ക്ലാരയും , മഴയും പിന്നെയും പെയ്തിരുന്നു – സ്മിത സതീഷ്

ചില  പകലുകൾക്കു  ചോരയുടെ  മണം  ഉണ്ടായിരുന്നു , കശാപ്പുകാരന്റെ  അറവുശാലക്കു മുമ്പിൽ   വന്നു പെട്ട പോലെ   തോന്നി പലപ്പോഴും , കാലിൽ  ചുവന്ന  കറ  പറ്റിയത്  വീണ്ടും തുടയ്ക്കാൻ  വേണ്ടി സാരിയുടെ  തലപ്പ്  കുറച്ചു  പൊന്തിച്ചു  തൊട്ടടുത്ത  കല്ലിന് മേൽ കാലൊന്നു  കയറ്റി വെച്ചു,  അവളൊന്നു   താഴോട്ടു    പോകാനുള്ള ശ്രമം  നടത്തി , തൊട്ടടുത്ത     പെട്ടിക്കടയ്ക്കു മുമ്പിൽ നിന്നും  ആർത്തിയോടെ  കണ്ണുകൾ  അവളെ തേടി എത്തി  അതോടെ   താഴോട്ടു പോകാനുള്ള അവളുടെ ആഗ്രഹത്തെ  കടിഞ്ഞാണിട്ട്  നിർത്തി .

ആരാച്ചാരുടെ  കണ്ണുകൾ  മീരയുടെ വാക്കുകളിൽ കൂടെ വായിച്ചത് ആണോ അതോ സുഭാഷ്ചന്ദ്രന്റെ  വിഹിതം വായിച്ചപ്പോൾ  തോന്നിയ  വികാരം ആണോ എന്തോ  ഒന്നും അവൾക്കു മനസ്സിലായില്ല . ഒന്നു മാത്രമറിയാം  ഇപ്പോഴും      നല്ല വിലയുണ്ട്
നോമ്പുകാലം അല്ലെ  അപ്പോൾ നോമ്പു തുറയ്ക്കു മാംസം  ആകാം അല്ലാതിരിക്കാം ,ശരീരത്തിനകത്തിരുന്നു    ഓരോ മാംസ കഷണവും  അവളോട്     സംസാരിച്ചു ,ചില സമയങ്ങളിൽ  കയർത്തു സംസാരിച്ചു , അവൾ അത്ഭുതത്തോടെ   അവരുടെ സംസാരം  കേൾക്കാൻ ശ്രമിച്ചു . ഇവിടെ  എവിടെയോ മതങ്ങളും , വികാരങ്ങളും
വികാര രഹിതമായി  സംസാരിക്കുന്നു .

കൈവിരലുകൾക്കു  മുമ്പിൽ നഖങ്ങൾ   കൂർത്തിരിക്കുന്നു , അവിടവിടെ  ചുവപ്പു     തുള്ളികള്‍    ഒറ്റി  വീഴാൻ നിൽക്കുന്നു ,..പരസ്പരം  ചെളി വാരിയെറിയുന്നു  പലപ്പോഴും  ഭാഷയ്ക്കു അതീതമായി ……

ഒന്നുടെ വേഗം നടക്കാം  ഈ തെരുവിന്  ഇന്ന് ചോരയുടെ മനം പുരട്ടുന്ന മണം  ഉണ്ട് ,എല്ലാമാസവും   അനുഭവിക്കുന്ന  മണം  ആയതിനാലാവാം  ഇത്ര പെട്ടന്ന്  തെരുവിൽ   ആരാരും  കാണാതെ  കിടന്നിരുന്ന  മണം  അവൾക്കു അനുഭവപ്പെട്ടത് .”നായ ജന്മം  ” ഫൂ  …വയറ്റാട്ടി യുടെ  തുപ്പൽ  പോലെ  ആ വാക്കുകൾ   പലരില്‍നിന്നും  കേട്ടതിന്റെ ,ആത്മ നിന്ദ  അന്നാദ്യമായി  ആത്മാഭിമാനം ആയി തോന്നി ….ചോരയുടെ  മണം  പിടിച്ചു  അവൾ നടന്നു … അവൾക്കു ചുറ്റും  ഇഴഞ്ഞു വന്ന  കണ്ണുകളെ നോക്കി ഒന്നുടെ  സാരീയുടെ  തലപ്പ്  എടുത്തു അരയ്ക്കു കുത്തി , കണങ്കാലുകളെ  കാണിച്ചു നടന്നു ,  കാലിന്റെ  തുമ്പു കണ്ടാലും  ആക്രാന്തമാർന്ന  നോട്ടമെത്തും  എന്നു അവൾക്കറിയാം …അവരെ  വാശിയോടെ തന്റെ കാല്‍കീഴില്‍എത്തിച്ച സന്തോഷംപോലെ അവള്‍നടന്നു.

ക്ലാരയെ  പ്രണയിക്കുന്ന   യുവാക്കൾക്ക്  , യാഥാർഥ്യത്തിൽ  കണ്ടുമുട്ടുന്ന ക്ലാരകളെ  കാണുമ്പോൾ പുച്ഛമാണ് , അന്നേരം ജയകൃഷ്ണന്മാർക്കൊക്കെ  ഗാന്ധാരിയുടെ   കണ്ണുകളിൽ കെട്ടിയ പോലെ  കണ്ണുകെട്ടി നടക്കുന്നതാണ്  ഇഷ്ടം ,അവളൊന്നു  അമർത്തി ചിരിച്ചു  ശരിക്കും സ്ത്രീ എത്ര ശക്തിയുള്ളവളാണ് .ഒരെറ്റ നോട്ടം , ഒരു ചിരി  അതിൽ എല്ലാം  എന്തെല്ലാം അടങ്ങിയിരിക്കുന്നു  ,ഒപ്പം  സ്‌നേഹിക്കുമ്പോൾ    മാത്രം അവൾ    വിഡ്ഢിയാവുന്നുള്ളു , എത്ര മനസ്സിലാക്കിയാലും  വീണ്ടും  അവൾ  പ്രസവിക്കും  കുറെ വേണ്ടാത്ത ഓർമകളെ ….

ഇതെവിടുന്നാ   ഇത്ര  കിളിന്തു ചോരയുടെ മണം …അവൾ ആഞ്ഞു നടന്നു ,   ഒരുതരം ഭ്രാന്തു പോലെ  ,  തലച്ചോറ്  ചിതറാൻ   ശക്തിയുള്ള മണം ….അടുത്തു  എത്തി  നിറയെ  പൈപ്പുകൾ   ………….

പെട്ടന്നാണ്   അവളുടെ  കാലുകളിൽ  ഒരു പിടിത്തം  , മുന്നോട്ടു നടന്ന അവളുടെ ശരീരം  താങ്ങിലാതെ ഒന്നു വളഞ്ഞു  പിന്നീട്  വീണ്ടും തിരിച്ചെത്തി .അവളൊന്നു താഴോട്ടു നോക്കി  ..ഒരു  പതിനാലുകാരി  അവളുടെ          കാലുകള്‍ക്കിടയിലൂടെ       പകുതി  പുറത്തായ  കുഞ്ഞു തല … അവളുടെ വായിൽ  തുണി കുത്തിവെച്ചിരിക്കുന്നു
അവൾ  പെട്ടന്ന്  താഴോട്ടു  പോകാനുള്ള ശ്രമം നടത്തി  ഇത്തവണ വിജയിച്ചു  , അവൾ കുഞ്ഞു തലയിൽ  പിടിത്തമിട്ടു …വയറ്റാട്ടി യുടെ  പണിയും  ഒരു പെണ്ണിന്നെ ആരും പഠിപ്പിക്കേണ്ട … വാർന്നു ഒഴുകി  ചോര  .ഹ ഹ   കയ്യിലതാ  വേറെയൊരു   മാംസപിണ്ഡം …നാളേക്ക്  മാർക്കറ്റിൽ  വില കിട്ടും .
അവളൊന്നു  ഉറക്കെ ചിരിച്ചു  , പതിനാലുകാരി    കാൽ കൂട്ടിവെയ്ക്കാൻ മറന്നിരുന്നു   …ഹഹഹ  ,അവളൊന്നു   നോക്കി പതിനാലിനെ  പിന്നെ  അവളുടെ  കാലു  ചേർത്തു വെച്ചു  പറഞ്ഞു  ഇതു അടക്കാൻ നീ പഠിച്ചോ  അല്ലെങ്കിലും ഇവിടെ   ജയകൃഷ്ണമാർ ഇല്ല ,  നാളെ  നീ മഴയിൽ നനഞ്ഞാലും  നിന്നെ ആരും ക്ലാരയെ പോലെ സ്നേഹിക്കില്ല …. വേവ് കൂടിയ  തക്കാളി പോലെ ഉടഞ്ഞു കിടന്നു  പലതും …അറപ്പിലാതെ   പതിനാലുകാരിയെ  വൃത്തിയാക്കി  അവളുടെ കൈയിൽ  മാംസ കഷ്ണം  വെച്ചു കൊടുത്തു ,വായ പിളർന്ന  മാംസക്കഷ്ണം  അപ്പോൾ  പതിനാലുകാരി പരിഭ്രമിച്ചു  ,അവൾ അപ്പോൾ   പറഞ്ഞു  കാലുകൾ അകറ്റുന്നതിന്റെ ഫലം  ,…..

ഞാൻ , അവൻ , എന്റെ പ്രണയം . സ്കൂൾ , സ്‌പെഷ്യൽ ക്ലാസ്സ് ,…സ്കൂളിൽ  എസ്സേ  എഴുതാൻ  സൂചനകൾ കൊടുത്ത പോലെ  പറഞ്ഞു നിർത്തി പതിനാലുകാരി

ഫൂ , പഠിത്തം  സ്കൂൾ  പ്രണയം ,കാമം ….അവളൊന്നു  ആഞ്ഞു  നോക്കി പതിനാലുകാരിയെ …

മാംസക്കഷ്ണം  ഉറക്കെ കരഞ്ഞു  …പതിനാലുകാരി  അവളെ നോക്കി

അവളൊന്നു    നോക്കി  പതുക്കെ  പതിനാലുകാരിയുടെ  മുലഞെട്ടുകളെ   എടുത്തു  മാംസക്കഷണത്തിന്റെ വായിൽ വെച്ചു കൊടുത്തു  ..പതിനാലുകാരി അറിയാതെ അന്നേരം  മാംസക്കഷ്ണത്തെ   തടവി ….

അപ്പോഴും  മഴ ഉണ്ടായിരുന്നു   ക്ലാരയുടെ  മഴ  ഹഹ ഹ …..

അവിടെ  പുറത്തു  ഏതൊക്കെയോ   വടികളിൽ  കോർത്ത തുണി കഷ്ണങ്ങൾ    കൊണ്ടു   ആരൊക്കെയോ  പതിനാലുകാരിക്ക് വേണ്ടി   മുറവിളി  കൂട്ടുണ്ടായിരുന്നു  ,ഫേസ് ബുക്കിൽ പോസ്റ്റും  ,ലൈക്കും  വാങ്ങി കൂട്ടി ….പലരും

അപ്പോൾ  മറുവശത്തു   അവളും  ആ     പതിനാലുകാരിയും   മാംസക്കഷ്ണവും   നല്ല  മഴയും  പെയ്യുണ്ടായിരുന്നു ……

 

 

Facebook Comments

Leave a Reply

Your email address will not be published. Required fields are marked *